غريب
غريب الدِّيار اللي سرى فوق ظهر الخيل
يدوزن لحن حمدي شدت فيه ميادة
يبي يستعيد اللي مضى له بلا تهويل
يبي ما يحس بغربته داخل ابلاده
يبي يرجِّع الأُلفه مَ بينه وبين الليل
يبي لا ضُوَاه الليل يقدر على ارقاده
يبي بس راحة ما يبي حضن أو تقبيل
كفاه الغرام اللي جعل ونته عادة
وقرر بعد ما شاف من كثرة التنكيل
يودِّع غرامٍ ما قوى يضبط اِعداده
كأنّه يرى في حُبّه اللي مِنَ اوّل قيل
وحكاية ابن زيدون في بُعد ولّاده
وباع المشاعر والأحاسيس للتقبيل
تخلّى عن ابياته تنازل عن امجاده
لأنّ المعارك في المحبة تهد الحيل
ولا عاد فيها شي يقدر على اسعاده
تُمر الحوادث مزعجة ما لها تحليل
بعيده عن الواقع غريبة عن العاده
يحس اِبفوارق بينه وبين هذا الجيل
مَعَ انّه ابن عصره وواحد مِنَ اولاده
حياة البشر كِذْبَه وأفراحهم تطبيل
فلاتر تزيّنهم وِأوهام معتادة
بعيده عن الواقع واقرب إلى التضليل
وِمن هو فضح نفسه يزيدون روّاده
فِقَد لِلأَصالة يوم بِنِّه جفاه الهيل
وقهوة زمانه أصبحت سُكر زيادة
سُهيل
yvdf
المصدر